ગાંધીનગર,

સૌરાષ્ટ્ર અને ઉત્તર ગુજરાતમાં ખેડૂતોની મુશ્કેલીઓ વધી

રાજ્યમાં ખેતીની વર્તમાન સ્થિતિ અને પાક નુકસાનના મુદ્દે વિધાનસભા ગૃહમાં ગરમાગરમ ચર્ચા જોવા મળી હતી. ખાસ કરીને પાક નિષ્ફળ જવાના મામલે વિપક્ષ દ્વારા સરકારને ઘેરવામાં આવી હતી અને રાજ્યમાં દુષ્કાળ જાહેર કરવા અંગે સ્પષ્ટતા માંગવામાં આવી હતી.

વિધાનસભા ગૃહની કાર્યવાહી દરમિયાન વિપક્ષી સભ્યોએ આક્રમક અંદાજમાં ખેડૂતોની કથળેલી હાલતનો મુદ્દો ઉઠાવ્યો હતો. ખેડૂતોને સમયસર યોગ્ય વળતર અને રાહત ન મળતી હોવાના આક્ષેપો સાથે વિપક્ષે સરકાર સમક્ષ સવાલોનો મારો ચલાવ્યો હતો કે શું સરકાર આ ગંભીર પરિસ્થિતિને ધ્યાનમાં રાખીને દુષ્કાળ જાહેર કરશે કે નહીં?

વિપક્ષના આક્રમક સવાલોનો જવાબ આપતા મંત્રી ઋષિકેશ પટેલે જણાવ્યું હતું કે, ખેડૂતોના હિત અને પાક નિષ્ફળતાની સમગ્ર સ્થિતિ પર સરકારની ગંભીર નજર છે. તેમણે સ્પષ્ટ શબ્દોમાં કહ્યું હતું کہ ખેડૂતોની મુશ્કેલીઓ નિવારવા અને તેમને યોગ્ય ન્યાય અપાવવા માટે રાજ્ય સરકાર દ્વારા યોગ્ય સમયે યોગ્ય અને સચોટ નિર્ણય લેવામાં આવશે.