રાજકોટ,

તલવારબાજી અને અગ્નિના રોમાંચક દાવ સાથે ભવ્ય વિજયાદશમી મહોત્સવ

રાજકોટના રેસકોર્સ ગ્રાઉન્ડમાં આજે મંગળવારે ૬૦ ફૂટ ઊંચા રાવણના પૂતળા ઉપરાંત ૫૪-૫૪ ફૂટ ઊંચા મેઘનાદ અને કુંભકર્ણના પૂતળાનું પણ દહન કરવામાં આવશે. વિશ્વ હિન્દુ પરિષદ  અને બજરંગ દળ દ્વારા યોજાયેલા આ મહોત્સવ પૂર્વે ૨૫ થી ૩૦ જેટલા કારીગરોએ સતત એક મહિના સુધી આથાક મહેનત કરીને આ વિરાટ પૂતળાઓ તૈયાર કર્યા છે. આ ઉજવણી દરમિયાન મંત્રમુગ્ધ કરી દેતી તલવારબાજી, શસ્ત્ર પ્રદર્શન અને આગના સાહસિક રોમાંચક દાવ પ્રદર્શિત કરવામાં આવશે. તદુપરાંત, ભવ્ય આતશબાજી, ધર્મસભા અને શાસ્ત્રોક્ત શસ્ત્રપૂજનનું પણ વિશેષ આયોજન કરાયું છે. કાર્યક્રમમાં મોટી સંખ્યામાં ઉમટી પડનારા શહેરીજનોની સુરક્ષા અને વ્યવસ્થા માટે રાજકોટ પોલીસ, મ્યુનિસિપલ કોર્પોરેશન અને ફાયર બ્રિગેડની ટીમ તૈનાત કરવામાં આવી છે.