બજારમાં ઐતિહાસિક તેજી બાદ મોટું કરેક્શન

Silver and Gold Price News : સોના અને ચાંદી જેવી કિંમતી ધાતુઓમાં છેલ્લા કેટલાક સમયથી ચાલી રહેલી ઐતિહાસિક તેજી બાદ હવે બજારમાં મોટું કરેક્શન જોવા મળી રહ્યું છે. સતત બીજા દિવસે પણ સોના અને ચાંદીના ભાવમાં જંગી ઘટાડો નોંધાયો છે. આંતરરાષ્ટ્રીય બજારમાં નફાખોરી (પ્રોફિટ બુકિંગ) અને મજબૂત અમેરિકન ડૉલરના કારણે રોકાણકારોએ વેચવાલી વધારતા કિંમતી ધાતુઓના ભાવ પર દબાણ આવ્યું છે.
 

સોનાના ભાવમાં નોંધપાત્ર ઘટાડો

સોનાના ભાવમાં આજે મોટો કડાકો જોવા મળ્યો છે.

• જૂનો બંધ ભાવ (Prev. Close): ₹1,83,962
• નવો ઓપન ભાવ (Open): ₹1,80,499
• વર્તમાન ટ્રેડિંગ ભાવ: ₹1,78,326
• કુલ ઘટાડો: આશરે 3.06%

ગત બંધ ભાવની સરખામણીએ સોનામાં પ્રતિ 10 ગ્રામ રૂ. 8,862નો મોટો ઘટાડો નોંધાયો હતો. જોકે બાદમાં થોડી રિકવરી જોવા મળતાં સમાચાર લખાતાં સમયે સોનું ₹1,78,326 પર ટ્રેડ થઈ રહ્યું હતું.
 

ચાંદીના ભાવમાં સોનાથી પણ ભારે કડાકો

ચાંદીના ભાવમાં સોનાની તુલનામાં વધુ તીવ્ર ઘટાડો નોંધાયો છે.

• જૂનો બંધ ભાવ (Prev. Close): ₹3,99,893
• નવો ઓપન ભાવ (Open): ₹3,83,898
• વર્તમાન ટ્રેડિંગ ભાવ: ₹3,79,831
• કુલ ઘટાડો: આશરે 5.02%

ગત બંધ ભાવની સરખામણીએ એક જ દિવસમાં ચાંદી પ્રતિ કિલો રૂ. 23,993 સુધી સસ્તી થઈ હતી. બાદમાં થોડી રિકવરી સાથે ચાંદી ₹3,79,831 પર ટ્રેડ થઈ રહી હતી.
 

કડાકાના મુખ્ય કારણો
 

બજારના નિષ્ણાતોના મતે, સોનું અને ચાંદી તાજેતરમાં રેકોર્ડ હાઈ સપાટીએ પહોંચ્યા હોવાથી રોકાણકારોએ હવે નફો બુક કરવાનું શરૂ કર્યું છે. આ ઉપરાંત અમેરિકન ડૉલર મજબૂત થતાં વૈશ્વિક બજારમાં કિંમતી ધાતુઓ પર દબાણ વધ્યું છે.
 

લાંબા ગાળાનો દૃષ્ટિકોણ હજુ મિશ્ર

નિષ્ણાતોનું માનવું છે કે ટૂંકા ગાળે ભાવમાં અસ્થિરતા રહેવાની શક્યતા છે, પરંતુ ભૌગોલિક-રાજકીય તણાવ અને વૈશ્વિક અનિશ્ચિતતા કારણે લાંબા ગાળે સોના-ચાંદી માટે રોકાણકારોની ભાવના હજુ મિશ્ર જોવા મળી રહી છે.