મુંબઈ,

રાજસ્થાનના કોટાથી ૩ ની અટકાયત બાદ સુરત રેલ્વે સ્ટેશનના CCTVથી ઘટસ્ફોટ

ટાઈગર શ્રોફ પર મુંબઈમાં હુમલો કર્યા બાદ ફરાર થયેલા શૂટરોએ ગુજરાતના સુરત શહેરમાં પોતાના હથિયારો અને મોબાઈલ ફોન છુપાવ્યા હોવાની વિગતો સામે આવી છે. સામે આવેલા સીસીટીવી ફુટેજમાં જોવા મળ્યું છે કે શૂટરો મુંબઈથી ભાગીને સુરત રેલ્વે સ્ટેશને પહોંચ્યા હતા. સુરતમાં અગાઉથી નક્કી કરાયેલી જગ્યાએ પોતાની પિસ્તોલ અને મોબાઈલ ફોન છુપાવ્યા બાદ તેઓ પુણે-જયપુર એક્સપ્રેસ ટ્રેનમાં બેસીને રાજસ્થાન તરફ ભાગી છૂટ્યા હતા.

જોકે, મુંબઈ ક્રાઈમ બ્રાન્ચ અને રાજસ્થાન પોલીસના સંયુક્ત ઓપરેશનમાં ત્રણેય આરોપીઓની રાજસ્થાનના કોટા ખાતેથી ધરપકડ કરી લેવામાં આવી છે. પોલીસે સુરત ખાતેથી હથિયારો અને મોબાઈલ રિકવર કરવાની દિશામાં કામગીરી હાથ ધરી છે.