નવી દિલ્હી,

વહેલી સવારે ૪.૧થી ૪.૯ની તીવ્રતાના આંચકા અનુભવાયા

એશિયાના ત્રણ પડોશી દેશો ચીન, પાકિસ્તાન અને અફઘાનિસ્તાનમાં શુક્રવારે વહેલી સવારે ધરતી ધ્રૂજવાના ભયાનક અહેવાલો સામે આવ્યા છે. નેશનલ સેન્ટર ફોર સિસ્મોલોજી દ્વારા પ્રાપ્ત માહિતી અનુસાર, આ ત્રણેય દેશોમાં વહેલી સવારે ૪.૧ થી ૪.૯ ની તીવ્રતાના ભૂકંપના આંચકા અનુભવાયા હતા. પાકિસ્તાનમાં ૪.૯ ની તીવ્રતાનો સૌથી મજબૂત આંચકો લાગ્યો હતો, જ્યારે ચીન અને અફઘાનિસ્તાનમાં પણ અનુક્રમે ૪.૪ અને ૪.૧ ની તીવ્રતા નોંધાઈ હતી.

આ તાજેતરના આંચકાઓ ઉપરાંત, અગાઉ તિબેટ ક્ષેત્રમાં ૭ ની ભયાનક તીવ્રતાનો શક્તિશાળી ભૂકંપ ત્રાટક્યો હતો. આ વિનાશક હોનારતમાં અત્યાર સુધીમાં ૧૬ લોકોના કમકમાટીભર્યા મોત નીપજ્યા છે, જ્યારે ૫૪ થી વધુ લોકો ગંભીર રીતે ઘાયલ થયા છે. ચીની સરકારી સૂત્રોના જણાવ્યા અનુસાર, ઉત્તરીય નાગકુ શહેરમાં આવેલા આ ભૂકંપના કારણે ૩૩૯ થી વધુ ઘરો અને પશુઓના શેડ સંપૂર્ણપણે ધરાશાયી થઈ ગયા છે. સેંકડો લોકો બેઘર બન્યા છે.