રાજકોટ,

બે હજારથી વધુ દીકરીબા પરંપરાગત વસ્ત્રોમાં ગરિમાપૂર્ણ વાતાવરણમાં રાસે રમ્યા
 
રાજકોટના રેલનગર વિસ્તારમાં ગિરાસદાર ક્ષત્રિય સમાજ દ્વારા પ્રથમ મહિલા રાસોત્સવનું આયોજન કરવામાં આવ્યું હતું. આ ભપકાદાર અને દિવ્ય આયોજનમાં ક્ષત્રિય સમાજની ૨ હજારથી વધુ દીકરીઓ અને મહિલાઓએ પરંપરાગત વસ્ત્રો અને આભૂષણો ધારણ કરીને અદ્ભુત ગરિમાપૂર્ણ વાતાવરણ વચ્ચે રાસની રમઝટ બોલાવી હતી.

આ સાંસ્કૃતિક મહોત્સવને સફળ બનાવવા માટે સમાજના અગ્રણીઓ અને આયોજકો દ્વારા સુંદર વ્યવસ્થાઓ ગોઠવવામાં આવી હતી. રાજકોટના રેલનગર ખાતે યોજાયેલા આ ભવ્ય નવરાત્રી રાસોત્સવમાં પરંપરાગત ગરબાની રમઝટ સાથે ક્ષત્રિય સંસ્કૃતિની ઝાંખી જોવા મળી હતી.