રાજકોટ,

મોહનલાલ સુખાડિયા યુનિવર્સિટીના વૈજ્ઞાનિકોની કમાલ

કેન્સરની પીડાદાયક સારવારમાં કીમોથેરાપી અને રેડિયેશનની આડઅસરોથી કંટાળેલા દર્દીઓ માટે મોહનલાલ સુખાડિયા યુનિવર્સિટીના ફાર્મસી વિભાગના પ્રોફેસર ડૉ. ગરિમા જોશી અને તેમના  સંશોધક વિદ્યાર્થી શેખ શાહનવાઝ કાદિરે મળીને કેન્સરની દવા હવે મોં વાટે (ઓરલ રૂટ દ્વારા) લઈ શકાય તેવી એક અદભુત ‘ઓરલ નેનો-ફોર્મ્યુલેશન’ ટેકનોલોજી વિકસાવી છે.

આ નવીન સંશોધન થકી દર્દીઓને પીડાદાયક ઇન્જેક્શનો તથા કીમોથેરાપી અને રેડિયેશનના ગંભીર પ્રભાવોમાંથી મોટી મુક્તિ મળી શકશે. યુનિવર્સિટીની આ સંશોધન ટીમ દ્વારા આ મહત્ત્વપૂર્ણ ટેકનોલોજી માટે પેટન્ટ પણ મેળવી લેવામાં આવી છે, જેને કારણે આગામી સમયમાં કેન્સરના દર્દીઓની સારવાર વધુ સરળ અને ઓછી ખર્ચાળ બનવાની સાથે વૈદ્યકીય ક્ષેત્રે એક નવો ઇતિહાસ રચાશે.