નવી દિલ્હી ,

વધતો શિક્ષણ ખર્ચ, આસમાને પહોંચેલા ઘરભાડા અને ફુગાવાને કારણે વિશ્વભરમાં આંદોલન

યુરોપના પ્રમુખ દેશો બેલ્જિયમ, ઈટાલી અને પોર્ટુગલથી લઈને લેટિન અમેરિકાના આર્જેન્ટિના સુધીના વિભિન્ન રાષ્ટ્રોમાં સામાન્ય જનતાનો ભારે આક્રોશ ફાટી નીકળ્યો છે. આ દેશોની અંદર નાગરિકો સરકારોની આર્થિક નીતિઓ વિરુદ્ધ રસ્તાઓ પર ઉતરીને ઉગ્ર વિરોધ પ્રદર્શનો કરી રહ્યા છે. આ વૈશ્વિક જનઆક્રોશ પાછળના મુખ્ય કારણોમાં બેફામ વધતી મોંઘવારી, કાળઝાળ બેકારી, નાણાકીય ફુગાવો, શિક્ષણ ક્ષેત્રે થઈ રહેલો અસહ્ય વધારો તેમજ સામાન્ય માણસની પહોંચ બહાર થઈ ગયેલા વધતાં જતાં ઘરભાડાંનો સમાવેશ થાય છે. જીવનજરૂરિયાતની ચીજવસ્તુઓના ભાવ વધારાને કારણે સામાન્ય પરિવારોનું ગુજરાન ચલાવવું અત્યંત મુશ્કેલ બની ગયું છે. આ તમામ ગંભીર આર્થિક સમસ્યાઓથી ત્રસ્ત થઈને નાગરિકો દ્વારા સરકારો વિરુદ્ધ મોરચો ખોલવામાં આવ્યો છે, જેના કારણે આંતરરાષ્ટ્રીય સ્તરે રાજકીય અને સામાજિક અસ્થિરતાનું વાતાવરણ ઊભું થયું છે.