અમદાવાદ,

ઇન્દિરા સર્કલ પાસે દારૂ પકડવા ગયેલી ટીમ પર ગાડી ચઢાવતા પોલીસની જવાબી કાર્યવાહી

અમદાવાદ શહેરમાં SMCની ટીમ બાતમીના આધારે દારૂના જથ્થા અંગે દરોડા પાડવા અને તપાસ કરવાની કાર્યવાહી હાથ ધરી રહી હતી, તે દરમિયાન ઇન્દિરા સર્કલ વિસ્તારની આસપાસ SMCની ટીમને જોઈને ઘેરાઈ જવાની બીકે એક બેફામ બુટલેગરે કાયદાની પરવા કર્યા વગર પોતાની ગાડી પોલીસકર્મીઓ અને SMCની ટીમ પર જ સીધી ચઢાવવાનો ઘાતક પ્રયાસ કર્યો હતો. પોતાની તેમજ સાથી કર્મીઓની જાન બચાવવા માટે અને પરિસ્થિતિ પર કાબૂ મેળવવા માટે પોલીસ દ્વારા સ્વબચાવમાં હવામાં તેમજ આરોપીની ગાડી પર ફાયરિંગ કરવામાં આવ્યું હોવાનું જાણવા મળ્યું છે. આ બનાવને પગલે આસપાસના વિસ્તારમાં ભારે નાસભાગ અને તંત્રમાં ભારે હડકંપ મચી ગયો હતો. ઘટનાની જાણ થતાં જ ઉચ્ચ પોલીસ અધિકારીઓ પણ તાત્કાલિક સ્થળ પર દોડી આવ્યા હતા અને સઘન તપાસ શરૂ કરી છે.