નવી દિલ્હી,

યૂઆઈડીએઆઈ દ્વારા ફી માફ; નાગરિકો કોઈપણ ચાર્જ વગર ઓનલાઈન સુધારી શકશે

સામાન્ય રીતે આધાર કાર્ડમાં કોઈપણ પ્રકારની વિગતો કે માહિતી અપડેટ કરવા અથવા સુધારવા માટે નાગરિકોએ નિર્ધારિત ફી ચૂકવવી પડતી હોય છે. અગાઉ આધાર કાર્ડમાં ઈમેલ આઈડી બદલવા કે લિંક કરવા માટે રૂ. ૭૫ નો ચાર્જ લેવામાં આવતો હતો. પરંતુ હવે યુઆઈડીએઆઈ દ્વારા આ ફી સંપૂર્ણપણે માફ કરી દેવામાં આવી છે.

જાહેર કરાયેલા નવા આદેશ અનુસાર, દેશભરના નાગરિકો ૧ જુલાઈ ૨૦૨૬ થી આગામી ૩૧ ડિસેમ્બર ૨૦૨૬ સુધી પોતાના આધાર કાર્ડમાં ઈમેલ આઈડી એકદમ મફતમાં અપડેટ કરી શકશે. આ વિશેષ પહેલનો મુખ્ય હેતુ એ છે કે વધુમાં વધુ લોકો પોતાના આધાર સાથે ઈમેલ આઈડી જોડે જેથી સરકાર તરફથી મળતા મહત્વપૂર્ણ નોટિફિકેશન અને અપડેટ્સ સીધા તેમના ઈમેલ પર સરળતાથી પ્રાપ્ત થઈ શકે. તમામ આધાર ધારકોએ આ સમયગાળાનો લાભ લેવા અનુરોધ કરાયો છે.