વારાણસી,

પીએમ મોદીના સંસદીય મતવિસ્તારમાં સપાનું શાનદાર પ્રદર્શન, 4000થી વધુ મતોથી ભાજપ પરાજિત

વડાપ્રધાન નરેન્દ્ર મોદીના સંસદીય મતવિસ્તાર વારાણસીમાં ઉત્તર પ્રદેશ એમએલસી (MLC) ચૂંટણીના પરિણામોએ સત્તાધારી ભારતીય જનતા પાર્ટી માટે ચિંતા વધારી દીધી છે. ભાજપે વારાણસીની મહત્વપૂર્ણ 'શિક્ષક મતવિસ્તાર'ની બેઠક ગુમાવી દીધી છે, જ્યારે 'સ્નાતક મતવિસ્તાર'ની બેઠક પર પણ તે સમાજવાદી પાર્ટી  કરતા પાછળ ચાલી રહી છે.

સમાજવાદી પાર્ટીના ઉમેદવાર લાલ બિહારી યાદવે ભાજપના ડૉ. પ્રમોદ કુમાર મિશ્રાને 4000 કરતા વધુ મતોના મોટા અંતરથી પરાજય આપ્યો છે. મતગણતરીના પ્રથમ અને બીજા રાઉન્ડમાં સપાના લાલ બિહારી યાદવને ક્રમશઃ 6,941 અને 4,017 મતો મળીને કુલ 10,958 મતો પ્રાપ્ત થયા હતા, જ્યારે ભાજપના પ્રમોદ કુમાર મિશ્રાને પ્રથમ રાઉન્ડમાં 3,005 અને બીજા રાઉન્ડમાં 3,055 મતો મળીને કુલ 6,060 મતો જ મળ્યા હતા. અગાઉની ચૂંટણીમાં પણ સપાએ આ બેઠકો કબજે કરી હતી અને આ વખતે પણ સમાન ઉમેદવારોને મેદાનમાં ઉતારીને પોતાની પકડ મજબૂત સાબિત કરી છે.