મુંબઈ,

ભારે વેચવાલી વચ્ચે રોકાણકારોને મોટો ફટકો, જોકે જિયોના IPO એ ખુશી જગાવી

ભારતીય શેરબજારમાં સપ્તાહના મધ્યે બુધવારે કારોબાર દરમિયાન ભારે વેચવાલી જોવા મળી હતી.વૈશ્વિક બજારોની નબળી ચાલ અને ભારે નફાવસૂલીને પગલે મુંબઈ શેરબજારનો મુખ્ય સૂચકાંક બોમ્બે સ્ટોક એક્સચેન્જ  સેન્સેક્સ 705.08 પોઈન્ટના તીવ્ર ઘટાડા સાથે 72,893.59 ની સપાટી પર ટ્રેડ થઈ રહ્યો હતો.

નેશનલ સ્ટોક એક્સચેન્જના નિફ્ટીમાં પણ 175.65 પોઈન્ટનું મોટું ગાબડું નોંધાતા તે 22,574.10 ના સ્તરે પહોંચી ગયો હતો, જેના કારણે રોકાણકારોની સંપત્તિમાં મોટો ધોવાણ જોવા મળ્યું હતું. જોકે, આ નબળા અને નકારાત્મક માહોલ વચ્ચે પણ જિયોના આઈપીઓનું બજારમાં શાનદાર અને બમ્પર લિસ્ટિંગ થયું હતું. જિયોનો આઈપીઓ તેની ઇશ્યૂ પ્રાઇસ સામે આશરે 21.36% ના ઊંચા નફા સાથે રૂ. 239 ના ઉછાળા સાથે રૂ. 1,358 ની કિંમતે લિસ્ટ થતાં રોકાણકારોમાં ભારે ઉત્સાહ જોવા મળ્યો હતો.