મોરબી,

મોરબી ખાતે કોંગ્રેસના આગેવાન અને પૂર્વ કેન્દ્રીય મંત્રી ડૉ. તુષાર ચૌધરીએ એક મોટું નિવેદન આપતા દાવો કર્યો છે કે ગુજરાતમાં નિર્ધારિત સમય કરતાં વહેલી ચૂંટણી યોજાઈ શકે છે.

ડૉ. ચૌધરીના જણાવ્યા મુજબ, આગામી વર્ષે જાન્યુઆરીથી માર્ચ મહિનાની વચ્ચે ગુજરાત વિધાનસભાની વહેલી ચૂંટણી યોજાવાની પૂરી શક્યતાઓ રહેલી છે. તેમના આ મહત્વપૂર્ણ દાવા બાદ રાજ્યના રાજકીય વર્તુળોમાં ભારે ચર્ચા જાગી છે અને તમામ રાજકીય પક્ષો દ્વારા અંદરખાને તૈયારીઓ શરૂ કરી દેવામાં આવી હોવાની પણ ચર્ચાઓ વહેતી થઈ છે. આ નિવેદનને કારણે રાજ્યનું રાજકીય વાતાવરણ ગરમાયું છે.