રાજકોટ,

સમયસર ટેક્સ ભરપાઈ ન કરવાથી મ્યુનિસિપલ તિજોરીને લાખોનું આર્થિક નુકસાન

રાજકોટ મનપા દ્વારા વેરાબિલ સમયસર ન મળ્યાની ફરિયાદોને ધ્યાનમાં રાખીને તંત્ર દ્વારા આસામીઓને વ્યાજમાં વિશેષ છૂટછાટ આપવામાં આવી હતી. પરંતુ આ છૂટછાટનો ગેરલાભ લઈને અથવા તો બિલ ન મળ્યાના બહાના આગળ ધરીને મોટાભાગના કરદાતાઓએ સમયસર વેરાની રકમ ભરપાઈ કરવાનું ટાળ્યું હતું, જેના કારણે મનપાની આવક પર સીધી વિપરીત અસર પડી છે. અપેક્ષિત વેરાની આવક સમયસર જમા ન થવાને કારણે તંત્રની નાણાકીય ગણતરીઓ ઉંધી વળી ગઈ છે અને મ્યુનિસિપલ તિજોરીને મોટું આર્થિક નુકસાન સહન કરવાનો વારો આવ્યો છે. આ બાબતે હવે મનપાના ઉચ્ચ અધિકારીઓ દ્વારા આગામી સમયમાં વેરા વસૂલાતની પદ્ધતિ વધુ કડક બનાવવા અને નિયમોનું ચુસ્તપણે પાલન કરાવવા અંગે ગંભીર ચિંતન શરૂ કરવામાં આવ્યું છે.