રાજકોટ,

ગોવા-પુણેની સીધી સેવા શરૂ થતા દિવાળીમાં ભાડાં આસમાને

રાજકોટના હિરાસર સ્થિત ઈન્ટરનેશનલ એરપોર્ટ પરથી હવેથી દરરોજ નિયમિતપણે ૧૨ જેટલી ફ્લાઈટ્સ ઉડાન ભરશે. તહેવારોના આ દિવસોમાં બહારગામ ફરવા જવા ઈચ્છતા નાગરિકો માટે એર કનેક્ટિવિટી વધુ મજબૂત બનાવવામાં આવી છે.

રાજકોટ એરપોર્ટ પરથી હવે ગોવા અને પુણે જેવા  પ્રવાસન તથા વ્યાપારી સ્થળો માટે સીધી ફ્લાઈટ સેવાઓનો આરંભ કરવામાં આવ્યો છે, જેનાથી સૌરાષ્ટ્રના પ્રવાસીઓનો સમય ઘણો બચી જશે. એક તરફ દૈનિક ફ્લાઈટ્સની સંખ્યા વધીને ૧૨ પહોંચી છે અને નવી સેવાઓ શરૂ થઈ છે, તો બીજી તરફ દિવાળીના વેકેશનને કારણે મુસાફરોની ભારે ભીડ ઉમટતા વિમાનની ટિકિટોના ભાડાં આસમાને પહોંચી ગયા છે. ભાડામાં થયેલા અધધ વધારાના કારણે સામાન્ય અને મધ્યમ વર્ગીય પ્રવાસીઓના મુસાફરીના બજેટ પર ભારે ભારણ વધ્યું છે.