અમદાવાદ,

કાયદો અને વ્યવસ્થા જાળવવા પોલીસનું આકરું વલણ, ગુનેગારોમાં વ્યાપ્યો ભારે ફફડાટ

ગુજરાતમાં ગુનાખોરી ડામવા અને અસામાજિક તત્વોમાં કાયદાનો કડક ડર બેસાડવા માટે ગુજરાત પોલીસ દ્વારા શરૂ કરવામાં આવેલું 'ઓપરેશન લંગડા' અત્યંત સફળ સાબિત થઈ રહ્યું છે. ગંભીર ગુનાઓ આચરીને પોલીસ કસ્ટડીમાંથી ભાગવાનો કે પોલીસ ટીમ પર હુમલો કરવાનો પ્રયાસ કરતા કુખ્યાત આરોપીઓ સામે પોલીસે આકરી કાર્યવાહી હાથ ધરી છે.

સત્તાવાર આંકડાઓ મુજબ, છેલ્લા બે વર્ષના ટૂંકા ગાળામાં ગુજરાત પોલીસે અલગ-અલગ બનાવોમાં કડક પગલાં લેતા કુલ ૨૧ આરોપીઓ પર ગોળીબાર કર્યો છે. આ સ્વબચાવ અને વળતા પ્રહારની કાર્યવાહી દરમિયાન બે કુખ્યાત આરોપીઓના મોત પણ નીપજ્યા છે. વર્ષવાર આંકડાઓ પર નજર કરીએ તો, વર્ષ ૨૦૨૫ દરમિયાન ૧૦ આરોપીઓ સામે ફાયરિંગ કરવામાં આવ્યું હતું, જ્યારે વર્ષ ૨૦૨૬ માં અત્યાર સુધી ૧૧ આરોપીઓ સામે પોલીસે સપાટો બોલાવ્યો છે. પોલીસની આ ઝંઝાવાતી અને આકરી નીતિના કારણે રાજ્યભરના અસામાજિક તત્વો અને ગુનેગારોમાં ભારે ફફડાટ ફેલાઈ ગયો છે.