મુંબઈ,

ટાઈગર શ્રોફ પહેલાં અભિનેતા આમિર ખાન ગેંગના નિશાના પર હતો

કુખ્યાત લોરેન્સ ગેંગ દ્વારા અભિનેતા આમિર ખાનને જાનથી મારી નાખવાની ખુલ્લી ધમકી આપવામાં આવી છે. ગેંગ તરફથી એવું નિવેદન પણ સામે આવ્યું છે કે 'લવ જેહાદ'ને પ્રોત્સાહન આપનાર કોઈપણ વ્યક્તિના શ્વાસ દબાવી દઈશું. મુંબઈ સ્થિત ફિલ્મ જગતમાં ચર્ચા છે કે અભિનેતા ટાઈગર શ્રોફ પર નજર કરતા પહેલાં અગાઉ ગેંગનું મુખ્ય નિશાન 'મિસ્ટર પરફેક્શનિસ્ટ' તરીકે ઓળખાતા આમિર ખાન જ હતા.

આ ગંભીર ધમકી અને સુરક્ષાના મુદ્દાને લઈને બોલિવૂડ અને સુરક્ષા એજન્સીઓમાં ભારે હલચલ મચી ગઈ છે. અગાઉ પણ સલમાન ખાન સહિત અનેક દિગ્ગજ કલાકારો લોરેન્સ ગેંગના રડાર પર રહ્યા છે, ત્યારે હવે આમિર ખાનને મળેલી આ ડાયરેક્ટ ધમકીએ સેલેબ્સની સુરક્ષા સામે મોટા સવાલો ઉભા કર્યા છે.