ઈન્ડિગોનું સંકટ ગંભીર બન્યું: સરકારનો તાત્કાલિક રિફંડનો આદેશ, સુપ્રીમ કોર્ટમાં PIL દાખલ

Dec 06, 2025

દેશની સૌથી મોટી એરલાઇન કંપની ઈન્ડિગો છેલ્લા ચાર-પાંચ દિવસથી મોટા ઓપરેશનલ સંકટમાંથી પસાર થઈ રહી છે. દેશના એરપોર્ટો પર મુસાફરો ભીડમાં ફસાયા છે, 2000થી વધુ ફ્લાઈટો રદ થઈ છે અને હજારો મુસાફરો મુશ્કેલીમાં મુકાયા છે. હવે આ મામલે કેન્દ્ર સરકાર અને સુપ્રીમ કોર્ટ બંને હરકતમાં આવી ગયા છે.

સરકારનો કડક આદેશ: રવિવાર રાત્રે 8 વાગ્યા સુધી રિફંડ આપવો જ પડશે

નાગરિક ઉડ્ડયન મંત્રાલયે ઈન્ડિગોને આદેશ આપ્યો છે કે:

બધા પેન્ડિંગ મુસાફરોને રવિવાર રાત્રે 8:00 સુધી રિફંડ આપવો
48 કલાકમાં મુસાફરોનો લગેજ પરત આપવો
અન્ય એરલાઇન્સે વધારું ભાડું ન વસૂલવું
આદેશ ન માને તો તાત્કાલિક એક્શન લેવામાં આવશે

એરપોર્ટ પર ઘણા મુસાફરોને સામાન મળ્યો નથી અને કેટલાકના રિફંડ પણ અટકી ગયા છે, જેના કારણે મુસાફરો કંપની પર રોષ ઠાલવી રહ્યા છે.

સુપ્રીમ કોર્ટમાં PIL: “આ આકાશમાં માનવતાવાદી સંકટ”

ઈન્ડિગો સામે "Indigo All Passenger and Another" જૂથે PIL દાખલ કરી છે, જેમાં જણાવાયું છે કે:

1000થી વધુ ફ્લાઈટ રદ થતાં મુસાફરો ફસાયા
વરિષ્ઠ નાગરિકો, બાળકો અને દર્દીઓને
પાણી, ખોરાક અને આરામની સુવિધાઓ પણ મળી નથી
આ પરિસ્થિતિ બંધારણીય અધિકારોનું ઉલ્લંઘન છે (કલમ–21)
સુપ્રીમ કોર્ટને વિનંતી:
ફસાયેલા મુસાફરોને મફત વિકલ્પ (અન્ય એરલાઇન/ટ્રેન) આપવામાં આવે
DGCA પાસે રિપોર્ટ માંગવામાં આવે

દેશમાં અફરાતફરી: 4 દિવસમાં 2000થી વધુ ફ્લાઈટો રદ

મુંબઈ, દિલ્હી, ચેન્નાઈ, બેંગલુરુ સહિત મોટા એરપોર્ટ પર
ભારે ભીડ અને લાંબી લાઈન
ઘણાં મુસાફરો 4–5 કલાકથી વધુ સમય સુધી એરપોર્ટ પર અટવાયા
મુંબઈમાં લગેજ ન મળતા મુસાફરોનો હોબાળો

આજે પણ દેશભરમાં 400થી વધુ ફ્લાઈટો રદ થવાનો રિપોર્ટ છે.

સંકટનું મુખ્ય કારણ: FDTLના નવા નિયમો અને ક્રૂની અછત

DGCA દ્વારા લાગુ કરાયેલા નવા FDTL (Flight Duty Time Limitation) નિયમો સૌથી મોટું કારણ બન્યા છે.
પહેલી નવેમ્બરથી FDTLનો બીજો તબક્કો લાગુ
રાત્રે લેન્ડિંગની મર્યાદા 6થી ઘટાડી 2
નવા નિયમો માટે ઇન્ડિગો પાસે પૂરતા ક્રૂ મેમ્બર નથી
પરિણામે:
ફ્લાઈટો રદ
ક્રૂ શેડ્યૂલિંગમાં ગડબડ
ઓપરેશનલ ક્રાઇસિસ

સરકારે હવે એરલાઇન્સને 10 ફેબ્રુઆરી 2026 સુધી રાહત આપી છે.