નવી દિલ્હી,

વર્ષ ૨૦૨૮ના મધ્ય સુધીમાં ઉપગ્રહ મળવાની શક્યતા

ભારતીય સેનાને આગામી સમયમાં પોતાનો પ્રથમ સમર્પિત સંચાર ઉપગ્રહ (કમ્યુનિકેશન સેટેલાઇટ) મળવાની પૂરતી સંભાવના વ્યક્ત કરવામાં આવી છે. આ પ્રોજેક્ટ અંતર્ગત ‘જી સેટ ૭બી’ ઉપગ્રહના નિર્માણ માટે અંદાજે રૂ. ૨,૯૬૩ કરોડનો વિશાળ કરાર કરવામાં આવ્યો છે, જે દેશના સંરક્ષણ ક્ષેત્ર માટે સીમાચિહ્ન રૂપ સાબિત થશે. આ આધુનિક સ્વદેશી નિર્મિત ઉપગ્રહ મળવાથી ભારતીય સેનાના જવાનો, સૈન્ય ફોર્મેશનો તેમજ શસ્ત્રો અને એરબોર્ન પ્લેટફોર્મ્સ વચ્ચેનું સંદેશાવ્યવહાર નેટવર્ક અત્યંત સુરક્ષિત અને અતિ-ઝડપી બનશે. સરકારી યોજના મુજબ, વર્ષ ૨૦૨૮ના મધ્ય ભાગ સુધીમાં આ પ્રથમ વિશેષ સૈન્ય ઉપગ્રહ ભારતીય સેનાને સત્તાવાર રીતે મળી જશે.

આ સ્વદેશી ટેકનોલોજીના ઉપયોગથી ભારતીય સૈન્ય દળોની ઓપરેશનલ ક્ષમતામાં અનેકગણો વધારો થશે તેમજ સરહદી વિસ્તારોમાં 24 કલાક મજબૂત નજર તથા સુરક્ષિત કમ્યુનિકેશન કવરેજ પૂરું પાડવામાં મોટી મદદ મળશે.