પોરબંદર,

PGVCL કચેરી નજીક બનેલી ઘટનાથી  હડકંપ, સદનસીબે કોઈ જાનહાનિ નહીં

પોરબંદરમાં આવેલા PGVCL કચેરીની નજીક રેલવે દ્વારા ટ્રેનની અવરજવર માટે શન્ટિંગની પ્રક્રિયા હાથ ધરવામાં આવી રહી હતી. આ દરમિયાન શાલીમાર એક્સપ્રેસ ટ્રેનના વધારાના કોચ અચાનક પાટા પરથી નીચે ઉતરી ગયા હતા. આ અણધારી ઘટનાને કારણે રેલવે તંત્રમાં ભારે દોડધામ મચી ગઈ હતી અને સ્થાનિક લોકોમાં પણ ચિંતાનું મોજું ફરી વળ્યું હતું. જોકે, સદનસીબે આ અકસ્માત વખતે ટ્રેનની ગતિ ઘણી ઓછી હોવાથી અને શન્ટિંગ દરમિયાન આ બનાવ બનવાથી કોઈ મોટી જાનહાનિ કે ઈજાના અહેવાલ પ્રાપ્ત થયા નથી, જેના કારણે તંત્રએ રાહતનો શ્વાસ લીધો છે.

ઘટનાની જાણ થતાં જ સંબંધિત રેલવે અધિકારીઓ અને કર્મચારીઓનો કાફલો તાત્કાલિક ઘટનાસ્થળે દોડી આવ્યો હતો અને પાટા પરથી ઉતરી ગયેલા કોચને પૂર્વવત કરવા તથા આ દુર્ઘટના પાછળના ચોક્કસ કારણો જાણવા માટે રેલવે દ્વારા સઘન તપાસ શરૂ કરવામાં આવી છે.