સુરત,

સુરતમાં ચોમાસાની ઋતુ અને બદલાતા હવામાન વચ્ચે મોસમી રોગચાળો વકર્યો છે. સુરત શહેરમાં ફેલાયેલા બેકાબૂ રોગચાળાની ઝપેટમાં આવી જવાથી તાવની બીમારીના કારણે બે વ્યક્તિઓના મોત નીપજ્યા હોવાના સમાચાર પ્રાપ્ત થયા છે. એક તરફ જીવલેણ રોગચાળો અગર-બગર ફેલાઈ રહ્યો છે, ત્યારે બીજી તરફ કતારગામ વિસ્તારમાં સ્થિતિ અત્યંત ચિંતાજનક બની છે.

કતારગામ વિસ્તારમાં મોસમી તાવ અને અન્ય બીમારીઓએ મોટા પ્રમાણમાં સપાટો બોલાવ્યો છે, જ્યાં ૪૦ કરતાં વધુ બાળકો અચાનક બીમાર પડ્યા છે. નાનાં બાળકોમાં વાયરલ ઇન્ફેક્શન, ડેન્ગ્યુ, મેલેરિયા અને ટાઈફોઇડ જેવા પાણીજન્ય અને મચ્છરજન્ય રોગોના લક્ષણો જોવા મળી રહ્યા છે, જેના કારણે સ્થાનિક હોસ્પિટલો અને ક્લિનિક્સમાં દર્દીઓની ભારે ભીડ જામી છે. એકસાથે મોટી સંખ્યામાં બાળકો બીમાર થતાં વાલીઓમાં ભારે ડર અને ચિંતાનો માહોલ છવાઈ ગયો છે.

શહેરમાં રોગચાળો બેકાબૂ બનતા તંત્રની કામગીરી સામે રોષ, ફેલાયો છે. મહાનગરપાલિકા દ્વારા નિવારક પગલાં ભરવા માંગ કરવામાં આવી છે.