મુંબઈ,

નવા ફેરફારોની જાહેરાત, યુએસ અને બ્રાઝિલમાં ફીચરનું પરીક્ષણ શરૂ

ઇન્સ્ટાગ્રામ હવે માત્ર શોર્ટ-ફોર્મ રીલ્સ પૂરતું સીમિત નહીં રહેતા લોન્ગ-ફોર્મ હોરિઝોન્ટલ વીડિયો ક્ષેત્રે મોટું પગલું માંડી રહ્યું છે. આ અંગે પ્લેટફોર્મના વડા એડમ મોસેરી અને પ્રોડક્ટના વાઇસ પ્રેસિડેન્ટ ટેસા લાયન્સ દ્વારા ખાસ જાહેરાત કરવામાં આવી છે.

આ નવા અપડેટ હેઠળ યુઝર્સ શોર્ટ-ફોર્મ રીલ્સ દ્વારા સીધા જ લાંબા વીડિયો સુધી પહોંચી શકશે. અગાઉ એડમ મોસેરી લાંબા વીડિયોને લઈને થોડા સાવચેત હતા, પરંતુ હવે શોર્ટ અને લોન્ગ-ફોર્મ કન્ટેન્ટ વચ્ચે એક નવો જ સમન્વય સાધવામાં આવી રહ્યો છે. 

આ નવી સિસ્ટમથી પોડકાસ્ટ કે અન્ય લાંબા વીડિયોના નાના ક્લિપ્સ રીલ્સ તરીકે પ્રમોટ થઈ શકશે. હાલમાં આ નવું ફીચર યુનાઇટેડ સ્ટેટ્સ અને બ્રાઝિલ જેવા દેશોમાં પરીક્ષણ હેઠળ છે, જે આગામી સમયમાં વૈશ્વિક સ્તરે તમામ ક્રિએટર્સ માટે ઉપલબ્ધ બનશે અને તેમની કમાણીની પદ્ધતિને બદલી નાખશે.