અમદાવાદ,

ચક્રવાતી સિસ્ટમની અસરોને પગલે રાજ્યના અનેક જિલ્લાઓમાં પલટાશે વાતાવરણ

ગુજરાતમાં એક તરફ જ્યાં બેવડી ઋતુ અને અસહ્ય ગરમીનો અનુભવ થઈ રહ્યો છે, ત્યાં બીજી તરફ હવામાન વિભાગ દ્વારા આગામી દિવસોમાં રાજ્યના વાતાવરણમાં મોટા પલટાની સંભાવના વ્યક્ત કરવામાં આવી છે. ચક્રવાતી પ્રણાલી અને વાવાઝોડાની સંભવિત અસર હેઠળ ગુજરાતના કેટલાક ભાગોમાં કમોસમી વરસાદ વરસવાની દહેશત ઊભી થઈ છે.

આજે તારીખ 29 અને 30 ઓક્ટોબર દરમિયાન રાજ્યના વિવિધ જિલ્લાઓમાં વરસાદી માહોલ જોવા મળી શકે છે. ખાસ કરીને દક્ષિણ ગુજરાત અને સૌરાષ્ટ્રના કેટલાક વિસ્તારોમાં વાદળછાયા વાતાવરણ સાથે હળવાથી મધ્યમ વરસાદની સંભાવના છે. અચાનક બદલાયેલા આ હવામાન અને વાવાઝોડાની સંભવિત અસરને લઈને ખેડૂતોમાં ચિંતાનું મોજું ફરી વળ્યું છે, કારણ કે આ સમયે પાકની કટાઈ અને સંભાળ માટે ખેડૂતોને મુશ્કેલી પડી શકે છે.