અમદાવાદ,

અમદાવાદમાં એસજી હાઈવે પર ૪.૩ કિમી લાંબા ઓવરબ્રિજનું નિર્માણ આખરી તબક્કામાં

અમદાવાદના પશ્ચિમ વિસ્તારની જીવાદોરી સમાન એસ.જી. હાઈવે પર ટ્રાફિકના ભારણને ઘટાડવા માટે કર્ણાવતી ક્લબથી લઈને સરખેજ-સાણંદ ચોકડી સુધી એક વિશાળ અને અત્યાધુનિક ૬-લેન બ્રિજનું નિર્માણ કાર્ય પૂરજોશમાં ચાલી રહ્યું છે.

તૈયાર થઈ રહેલો આ નવો એલિવેટેડ કોરિડોર અંદાજે ૪.૩ કિલોમીટર જેટલી લાંબાઈ ધરાવે છે. આ પ્રોજેક્ટ પૂર્ણ થવાના આરે છે અને તેના શરૂ થવાથી કર્ણાવતી ક્લબથી સાણંદ ચોકડી તરફ જતા હજારો વાહનચાલકોને મોટા પ્રમાણમાં રાહત મળશે. 

સ્થાનિક પ્રશાસન અને સબંધિત વિભાગ દ્વારા આ પ્રોજેક્ટના આખરી ઓપ આપવાની કામગીરી ઝડપથી પૂર્ણ કરવામાં આવી રહી છે, જેથી આગામી સમયમાં અમદાવાદના આ વ્યસ્ત અને મહત્વપૂર્ણ માર્ગ પર વાહનોની અવરજવર વધુ સુગમ બની શકે.