નવી દિલ્હી,

ભારત મંડપમ ખાતે ‘ચિન્મય અમૃત મહોત્સવ’માં સ્વામી ચિન્મયાનંદને યાદ કર્યા

વડાપ્રધાન નરેન્દ્ર મોદીએ દિલ્હીના 'ભારત મંડપમ' ખાતે આયોજિત 'ચિન્મય અમૃત મહોત્સવ' કાર્યક્રમમાં સ્પષ્ટ શબ્દોમાં જણાવ્યું હતું કે દેશના ઉજ્જવળ ભવિષ્ય માટે તેમની તમામ નીતિઓ અને વિકાસ કાર્યોના કેન્દ્રસ્થાને હંમેશાં દેશના યુવાનો જ રહ્યા છે.

આ કાર્યક્રમ દરમિયાન વડાપ્રધાને આધુનિક ટેક્નોલોજીના માધ્યમથી સ્વામી ચિન્મયાનંદના હોલોગ્રામ સાથે ભાવુક સંવાદ પણ સાધ્યો હતો. તેમણે જણાવ્યું કે આ ટેક્નોલોજી દ્વારા તેમને વર્ષ ૧૯૯૩ના જુના દિવસો તાજા થઈ ગયા હોય તેવી અનુભૂતિ થઈ હતી. પીએમ મોદીએ આધ્યાત્મિક ઉન્નતિને વ્યક્તિગત વિકાસ સાથે જોડવા પર વિશેષ ભાર મૂક્યો હતો, જેથી યુવા પેઢી સાચા માર્ગ પર આગળ વધી શકે.