નવી દિલ્હી,

ઈરાન સાથેના તણાવ વચ્ચે ચીનની કૂટનીતિક એન્ટ્રી, શાંતિ સ્થાપવા પર ભાર

ચીનના રાષ્ટ્રપતિ શી જિનપિંગે અમેરિકી રાષ્ટ્રપતિ ડોનાલ્ડ ટ્રમ્પને એક સ્પષ્ટ અને કડક સંદેશ આપતા જણાવ્યું છે કે પશ્ચિમ એશિયા કોઈપણ મહાસત્તાઓ માટે અખાડો કે યુદ્ધનું મેદાન ન બનવું જોઈએ.

તાજેતરમાં ડોનાલ્ડ ટ્રમ્પ દ્વારા ઈરાનના સૈન્ય મથકો અને પરમાણુ મુદ્દે આપવામાં આવેલા આક્રમક નિવેદનો અને અમેરિકા-ઈરાન વચ્ચે વધતી જતી કડવાશને ધ્યાનમાં રાખીને ચીને મિડલ ઈસ્ટમાં શાંતિ સ્થાપવાના પોતાના પ્રયાસો વધુ તેજ કર્યા છે. શી જિનપિંગે વૈશ્વિક સ્તરે કૂટનીતિક વલણ અપનાવતા તાકીદ કરી છે કે આ ક્ષેત્રની સ્થિરતા વૈશ્વિક અર્થવ્યવસ્થા માટે અત્યંત મહત્વપૂર્ણ છે, તેથી કોઈપણ બાહ્ય હસ્તક્ષેપથી તણાવ વધુ વણસી શકે છે.