અમદાવાદ,

16,800 થી વધુ કર્મચારીઓને મળશે લાભ, તિજોરી પર 12 કરોડનો બોજ

અમદાવાદ મ્યુનિસિપલ કોર્પોરેશન (AMC) દ્વારા દિવાળીના તહેવાર નિમિત્તે વર્ગ-4 (ક્લાસ-4) ના આશરે 16,800 કર્મચારીઓને દિવાળીની ભેટ તરીકે રૂ. 7,000 નું એડહોક બોનસ ચૂકવવામાં આવશે. આ પાછળ મ્યુનિસિપલ તિજોરી દ્વારા અંદાજે રૂ. 12 કરોડનો કુલ ખર્ચ કરવામાં આવશે.

આ બોનસનો લાભ મેળવવા માટે કર્મચારીઓ માટે કેટલાક માપદંડો અને શરતો નક્કી કરવામાં આવ્યા છે. જે અંતર્ગત કર્મચારીએ વર્ષ 2025-26 દરમિયાન ઓછામાં ઓછા સળંગ 6 મહિના સુધી ફરજ બજાવેલી હોવી અનિવાર્ય છે. જ્યારે દૈનિક વેતન કે રોજિંદા દરના કર્મચારીઓ માટે વર્ષ દરમિયાન ઓછામાં ઓછા 240 દિવસ (અંદાજે 8 મહિના) કામ કર્યું હોવું ફરજિયાત રાખવામાં આવ્યું છે. આ ઉપરાંત, પાર્ટ-ટાઇમ કર્મચારીઓ કે જેમને નિયમિત રીતે વાર્ષિક ઇન્ક્રીમેન્ટ મળે છે તેઓ પણ આ બોનસ મેળવવા માટે પાત્ર ઠરશે.