કોઝિકોડ,

માત્ર ૧૫૦૦ ફોર્મની સામે હજારોની ભીડ ઉમટતાં નેશનલ હાઈવે સુધી લાંબી કતારો લાગી

કેરળના કોઝિકોડ ખાતે લગ્ન માટે યોજાયેલા એક વિશેષ અને મફત મેટ્રિમોનિયલ કેમ્પમાં અંદાજે ૭ હજાર જેટલા ઉત્સુક લોકો ઉમટી પડ્યા હતા. આયોજકો દ્વારા માત્ર ૧,૫૦૦ ફોર્મ જ છપાવવામાં આવ્યા હતા, પરંતુ અપેક્ષા કરતા અનેકગણી વધુ ભીડ ઉમટી પડતા તાત્કાલિક ધોરણે વધારાનાં ૪ હજાર ફોર્મ છપાવવાની ફરજ પડી હતી. પરિસ્થિતિ એવી સર્જાઈ હતી કે અરજી કરવા અને ફોર્મ મેળવવા માટે લોકોની લાંબી લાઇન મંદિર પરિસરથી બહાર નીકળીને સીધી નેશનલ હાઈવે સુધી પહોંચી ગઈ હતી, જેના કારણે ભારે ચર્ચાનો વિષય બન્યો હતો.