નવી દિલ્હી,

ઓમાનના તટરક્ષક દળ દ્વારા રેસ્ક્યુ ઓપરેશનમાં 13 ખલાસીઓનો સુરક્ષિત બચાવ

ઓમાનના કિનારા નજીકથી પસાર થઈ રહેલા ભારતીય ઝંડાવાળા માલવાહક જહાજ 'એમ.એસ.વી. અલ જુસુફી' પર અચાનક થયેલા એક શંકાસ્પદ હવાઈ હુમલોમાં  જહાજમાં ભારે નુકસાન થયું હતું અને સવાર ખલાસીઓમાં ભાગદોડ મચી ગઈ હતી. આ ભયાનક ઘટનામાં ગુજરાતના એક નાવિકનું કરુણ મોત નીપજ્યું છે, જ્યારે ઓમાનના કોસ્ટ ગાર્ડની સતર્કતાથી બાકીના 13 ખલાસીઓનો આબાદ બચાવ થયો છે.

આ ભારતીય જહાજ પર કોઈ હવાઈ વસ્તુ દ્વારા હુમલો કરવામાં આવ્યો હતો. મૃતક નાવિકની ઓળખ ગુજરાતના વતની ગાંધાર નાહિમ અજીઝ તરીકે થઈ છે. ઘટનાની જાણ થતાં જ ઓમાનના તટરક્ષક દળ દ્વારા તાત્કાલિક ધોરણે રેસ્ક્યુ ઓપરેશન હાથ ધરી 13 ભારતીય નાવિકોને સુરક્ષિત રીતે બચાવી લેવામાં આવ્યા હતા જેઓને
વહેલી તકે ભારત પરત લાવવાની તજવીજ હાથ ધરાઇ છે.