નવી દિલ્હી,

હોર્મુઝની સામુદ્રધુની નજીક આવેલા વિસ્તારને નિશાન બનાવાતા યુદ્ધના વાદળો ઘેરાયા
 

અમેરિકી સૈન્ય દ્વારા ઈરાનના દક્ષિણ ભાગમાં આવેલા વ્યૂહાત્મક રીતે અત્યંત સંવેદનશીલ એવા કેશમ દ્વીપ અને બંદર લેંગેહ વિસ્તારને નિશાન બનાવીને ભીષણ મિસાઈલ હુમલા કરવામાં આવ્યા છે. હોર્મુઝની સામુદ્રધુની નજીક થયેલા આ વિસ્ફોટો અને હુમલાને કારણે બંને દેશો વચ્ચે અગાઉ થયેલી યુદ્ધવિરામ સમજૂતી ભંગ થઈ ગઈ હોવાનું મનાઈ રહ્યું છે.

યુએસ આર્મી દ્વારા કરવામાં આવેલા આ ઘાતક હુમલામાં કેશમ દ્વીપ પર આવેલા રડાર ડિટેક્ટરો, મિસાઈલ લોન્ચરો અને ઈરાની સેનાના અનેક મહત્વપૂર્ણ સૈન્ય ઠેકાણાઓને ભારે નુકસાન પહોંચાડવામાં આવ્યું છે. આ ઘટનાને પગલે ઈરાન અને અમેરિકા વચ્ચેનો ભૌગોલિક તણાવ ચરમસીમાએ પહોંચ્યો છે, જેના કારણે વૈશ્વિક બજારો અને તેલના પુરવઠા પર પણ તેની ગંભીર અસરો જોવા મળી રહી છે.