નવી દિલ્હી,

વિશ્વની દિગ્ગજ ઈ-કોમર્સ અને ટેક્નોલોજી કંપની એમેઝોન દ્વારા એક જ સવારે અચાનક ઇમેઇલ મોકલીને આશરે ૨૫૦ જેટલા કર્મચારીઓની નોકરી છીનવી લેવામાં આવી છે. કંપનીના ડિવાઈસીસ યુનિટમાં કરવામાં આવેલી આ કપાતથી કર્મચારીઓમાં ભારે ફફડાટ ફેલાઈ ગયો છે.

એમેઝોન દ્વારા આર્ટિફિશિયલ ઇન્ટેલિજન્સ (AI) ટેક્નોલોજી અને તેના પ્રોજેક્ટ્સમાં મોટા પાયે નાણાકીય રોકાણ વધારવામાં આવી રહ્યું છે. આ જ કારણોસર કંપની પોતાના વિવિધ વિભાગોમાં ઓપરેશનલ ખર્ચ ઘટાડવા અને આધુનિક ટેક્નોલોજી અપનાવવા માટે આર્થિક ફેરફારો કરી રહી છે. આ વૈશ્વિક બદલાવ અને આંતરિક પુનર્રચના નીતિના ભાગરૂપે જ ૨૫૦ જેટલા લોકોએ પોતાની નોકરી ગુમાવવાનો વારો આવ્યો છે, જેણે ટેકજગતની અનિશ્ચિતતા ફરી ઉજાગર કરી છે.