રાજકોટ,

વિરપુર, જસદણ અને આટકોટ સહિતના એસ.ટી. બસ સ્ટેશનો પર શરૂ કરાયા ગ્રામહાટ

મુખ્યમંત્રી ભૂપેન્દ્ર પટેલના હસ્તે રાજકોટ ખાતેથી રાજ્યભરમાં કુલ ૧૩૬ જેટલા 'ગ્રામહાટ'નું ભવ્ય લોકાર્પણ કરવામાં આવ્યું છે. આ યોજનાના ભાગરૂપે રાજકોટ જિલ્લાના વિરપુર, જસદણ તેમજ આટકોટ સહિતના વિવિધ એસ.ટી. બસ સ્ટેશન પરિસરોમાં પણ ગ્રામહાટ શરૂ કરવામાં આવ્યા છે.

મુખ્યમંત્રી ભૂપેન્દ્ર પટેલની આ વિશેષ પહેલથી ગ્રામીણ ક્ષેત્રની મહિલાઓ દ્વારા તૈયાર કરવામાં આવતી અવનવી વસ્તુઓ અને સ્થાનિક હસ્તકલાના ઉત્પાદનોને વેચાણ માટે ઉત્તમ વ્યાપારી પ્લેટફોર્મ મળી રહેશે. આ લોકાર્પણ સમારોહથી ગ્રામીણ મહિલાઓ આર્થિક રીતે વધુ સધ્ધર અને આત્મનિર્ભર બનશે. સ્થાનિક પ્રશાસન અને અગ્રણીઓની ઉપસ્થિતિમાં સંપન્ન થયેલા આ કાર્યક્રમથી પ્રદેશના નાગરિકો તથા મહિલા વર્ગમાં ભારે ઉત્સાહ જોવા મળ્યો છે.