મુંબઈ/બરેલી,

મૌલાના શહાબુદ્દીન રઝવીનો વિરોધ; તૌબા કરવાની સલાહ આપી

અભિનેત્રી સારા અલી ખાન દ્વારા તાજેતરમાં ઉત્તરાખંડ સ્થિત પવિત્ર કેદારનાથ ધામ સહિત વિવિધ ધાર્મિક સ્થળોની મુલાકાત લેવા અને પૂજા-અર્ચના કરવાના વિષય પર એક નવો ધાર્મિક વિવાદ ઊભો થયો છે.

ઓલ ઈન્ડિયા મુસ્લિમ જમાતના રાષ્ટ્રીય અધ્યક્ષ મૌલાના મુફ્તી શહાબુદ્દીન રઝવી બરેલવીએ સારા અલી ખાન વિરુદ્ધ ધાર્મિક ફતવો જાહેર કર્યો છે.
મૌલાનાએ અભિનેત્રી દ્વારા કરવામાં આવેલી મંદિર યાત્રા અને વિધિ-વિધાનને પોતાની ધાર્મિક વ્યાખ્યા અનુસાર ઈસ્લામિક શરિયતના નિયમોની વિરુદ્ધ ગણાવ્યા છે. તેમણે સારા અલી ખાનને પોતાની આ કૃતિ બદલ ઈશ્વર પાસે તૌબા (ક્ષમાયાચના) કરવાની કડક સલાહ પણ આપી છે.