હૈદરાબાદ,

ભાડાના મકાનમાં ચાલતા મિની કારખાના પર દરોડો: ચાર આરોપીઓની ધરપકડ

હૈદરાબાદના રામોજી ફિલ્મ સિટીની નજીક આવેલા વિસ્તારોમાં ફિલ્મી ઢંગથી નકલી નોટો છાપવાનું એક મોટું કારખાનું ધમધમી રહ્યું હોવાનો પર્દાફાશ થયો છે. પોલીસે બાતમીના આધારે સઘન કાર્યવાહી કરીને અંદાજે ₹૬.૭૮ કરોડની કિંમતની ૫૦૦-૫૦૦ રૂપિયાની નકલી ચલણી નોટોનો જથ્થો જપ્ત કર્યો છે. આ અડ્ડા પરથી પોલીસે પ્રિન્ટર, લેપટોપ, નોટ કાપવાના મશીનો અને અન્ય સામગ્રી જપ્ત કરી છે. પ્રાથમિક તપાસમાં બહાર આવ્યું છે કે આ ગેંગ યુટ્યુબ અને સોશિયલ મીડિયા વીડિયોની મદદથી નકલી નોટો બનાવવાનું શીખી હતી. ઝડપાયેલા આ આરોપીઓ મદુપોઝુ કર્ણાકર, ચિન્નોલ્લા માણિક્ય રેડ્ડી, ચેરુકુપેલ્લી રત્નાકર રેડ્ડી અને કરનમ અજય કુમાર માત્ર નોટો છાપતા નહોતા, પરંતુ ખુદને પોલીસ અધિકારી તરીકે ઓળખાવીને નકલી આઈડી કાર્ડ, વોકી-ટોકી અને નકલી પિસ્તોલ બતાવીને સામાન્ય નાગરિકોને ડરાવીને તોડબાજી અને ઠગાઈ પણ કરતા હતા. પોલીસે આ સમગ્ર રેકેટનો पर्દાફાશ કરીને આગળની કાનૂની કાર્યવાહી હાથ ધરી છે.