અમદાવાદ,

27 નવેમ્બરથી શરૂ થશે નામ ઉમેરવાની અને સુધારા કરાવવાની વિશેષ ઝુંબેશ

મુખ્ય નિર્વાચન અધિકારીની કચેરી, ગુજરાત અંતર્ગત રાજ્યભરમાં મતદારો માટે આગામી 27 નવેમ્બર 2026ના રોજ એકીકૃત મુસદ્દા મતદાર યાદી (ડ્રાફ્ટ લિસ્ટ) જાહેર કરવામાં આવશે.

આ ડ્રાફ્ટ પ્રસિદ્ધ થયા બાદ નાગરિકો 27 નવેમ્બરથી 26 ડિસેમ્બર 2026 સુધી પોતાના નામ ઉમેરવા, કમી કરવા કે વિગતો સુધારવા માટે વાંધા અને દાવાઓ રજૂ કરી શકશે. આ તમામ અરજીઓ અને દાવાઓનો નિકાલ 11 જાન્યુઆરી 2027 સુધીમાં કરવામાં આવશે, અને અંતે તારીખ 18 જાન્યુઆરી 2027ના રોજ ગુજરાતની આખરી મતદાર યાદી સત્તાવાર રીતે પ્રસિદ્ધ કરવામાં આવશે. આ ઝુંબેશ હેઠળ 18 વર્ષની વય મર્યાદા વટાવનાર યુવાનોને મતદાર તરીકે નોંધણી કરાવવાની તક મળશે.