રાજકોટ ,

સિવિલ હોસ્પિટલની કેન્ટિંગમાંથી અલગ-અલગ 6 નમૂના લેવાયા

રાજકોટ મનપાની ટીમે શહેરના વિવિધ વિસ્તારોમાં ૯૩ જેટલા ખાદ્ય ધંધાર્થીઓને ત્યાં અચાનક ચેકિંગ હાથ ધર્યું હતું. તપાસ દરમિયાન ૧૧૫ કિલો જેટલો વાસી અને અખાદ્ય ખોરાક મળી આવતા તેનો નાશ કરવામાં આવ્યો હતો.આ ઉપરાંત ખાદ્ય સ્વચ્છતા અંગેની ક્ષતિઓ બદલ સંબંધિત ધંધાર્થીઓ પાસેથી કુલ રૂ.૨૭ હજારનો વહીવટી ચાર્જ પણ વસૂલ કરવામાં આવ્યો હતો.

રાજકોટ સિવિલની કેન્ટીનમાં ચેકિંગ દરમિયાન ૬ ખાદ્ય વસ્તુઓના નમૂના લેવામાં આવ્યા હતા. શહેરના વિવિધ પંજાબી, ચાઈનીઝ તેમજ પિઝા સેન્ટરોમાં તપાસ દરમિયાન કેટલાક સ્થળોએ વાસી શાકભાજી, ખરાબ લોટ અને વાસી નૂડલ્સ સહિતનો જથ્થો મળી આવ્યો હતો. આરોગ્ય શાખાએ આવા અખાદ્ય જથ્થાને જપ્ત કરી તેનો નાશ કર્યો હતો. ખાદ્ય પદાર્થોની ગુણવત્તા અને સ્થળની સ્વચ્છતામાં ખામી બદલ વેપારીઓ સામે વહીવટી કાર્યવાહી કરવામાં આવી હતી.