ગાંધીનગર,

ગુજરાત રાજ્યની ગ્રાન્ટ-ઇન-એઇડ (ગ્રાન્ટેડ) શાળાઓમાં લાંબા સમયથી ચાલી રહેલી શિક્ષકોની અછતને ઝડપથી દૂર કરવા માટે રાજ્ય સરકાર દ્વારા ખાલી પડેલી અંદાજે ૨,૦૦૦ જેટલી જગ્યાઓ પર ભરતી પ્રક્રિયાને વધુ વેગ આપવા અને પારદર્શક બનાવવા માટે ખાસ પસંદગી સમિતિની પુનર્રચના કરવામાં આવી છે.

આ નવી સમિતિની રચનાથી ભરતી પ્રક્રિયામાં થતા વિલંબ નિવારી શકાશે. અગાઉની જટિલ પ્રક્રિયાઓને કારણે ઉમેદવારોને લાંબી રાહ જોવી પડતી હતી, પરંતુ હવે નવી વ્યવસ્થા અંતર્ગત રાજ્યની ગૌણ અને ઉચ્ચત્તર માધ્યમિક ગ્રાન્ટેડ શાળાઓમાં ખાલી જગ્યાઓ સામે યોગ્ય લાયકાત ધરાવતા ઉમેદવારોની પસંદગી ઝડપથી થઈ શકશે.સરકારના આ પગલાથી ટેટ (TAT) પાસ કરી ચુકેલા યુવાનોમાં ખુશીની લહેર છવાઈ છે.