ટેકનોલોજીના ક્ષેત્રમાં જાપાનનું નામ વિશ્વભરમાં પ્રથમ ક્રમે આવે છે. જીવનને સરળ બનાવતા અને સમય બચાવતી ઇનોવેશન્સ અહીં સતત જન્મ લેતી રહે છે. આ જ શ્રેણીમાં હવે એક એવી ફ્યુચરિસ્ટિક શોધ ચર્ચામાં છે, જેને સાંભળીને લોકો આશ્ચર્યચકિત રહી જાય — “હ્યુમન વોશિંગ મશીન”, એટલે કે માણસો માટેનું સ્નાન મશીન. સામાન્ય વોશિંગ મશીનમાં કપડાં ધોવા જેવી જ રીત હવે માનવ શરીર ધોવાની ટેક્નોલોજી જાપાને વિકસાવી છે.

તાજેતરમાં ઓસાકામાં યોજાયેલ ફ્યુચર ટેક્નોલોજી એક્સ્પોમાં આ મશીનનું નવું વર્ઝન રજૂ થયું. લગભગ 2.3 મીટર લાંબા આ મશીનમાં વ્યક્તિને માત્ર અંદર જઈને આરામથી બેસવું હોય છે. બાકીનો તમામ કામ મશીન સ્વયં કરે છે. આ કન્સેપ્ટ પર વર્ષોથી કામ થઈ રહ્યું છે, તેમજ જાપાનની અનેક ટેક-એક્સિબિશનમાં તે અગાઉ પણ દેખાયેલું છે. પરંતુ નવા અપડેટ્સ સાથે તે હવે વધુ અદ્યતન અને ઉપયોગી બનતું જઈ રહ્યું છે.

કેવી રીતે કરે છે કામ?

હ્યુમન વોશિંગ મશીનની ખાસિયત એ છે કે તે સંપૂર્ણ ઓટોમેટિક છે. તેમાં શરીરને સાફ કરવા માટે ખાસ હાઈ-પ્રેશર નોઝલ્સ, માઇક્રોબબલ્સ અને અલ્ટ્રા-ફાઇન સ્પ્રે ટેક્નોલોજીનો ઉપયોગ થાય છે. કોઈને સાબુ ચોળવાની જરૂર નથી, શરીર ઘસવાની જરૂર નથી અને પાણી ફેરવવાની પણ મહેનત નથી.

વ્યક્તિ અંદર બેસે પછી મશીન પહેલા ત્વચા પર માઇક્રોબબલ વોશ આપે છે. આ નાની લહેરાતી બબલ્સ ત્વચાના સૂક્ષ્મ રંધ્રો સુધી પહોંચીને સ્વચ્છતા આપે છે. બાદમાં હાઈ-પ્રેશર સ્પ્રે શરીરને સંપૂર્ણ રીતે ધોઈ સાફ કરે છે. આ સમગ્ર પ્રક્રિયા દરમિયાન વ્યક્તિને માત્ર બેસીને આરામ લેવાનું હોય છે.

એક મિનિટમાં સુકાઈ જશો!

જાપાનીઝ ટેક્નોલોજીની બીજી વિશેષતા છે એની સુપર-ફાસ્ટ અસર. શરીર ધોવાની સમગ્ર પ્રક્રિયા પૂર્ણ થતાં જ મશીન આપમેળે ‘ડ્રાય મોડ’ પર સ્વિચ થઈ જાય છે. વિશેષ એર-ડ્રાયર મિકેનિઝમ થકી શરીર માત્ર એક જ મિનિટમાં સંપૂર્ણ સુકાઈ જાય છે.

વ્યસ્ત જીવનશૈલી ધરાવતા લોકો, વરિષ્ઠ નાગરિકો, હોસ્પિટલોમાં દર્દી કેર, હોટેલ્સ અથવા વેલનેસ સેન્ટર્સ— દરેક ક્ષેત્રમાં આ મશીન એક રિવોલ્યુશન થઈ શકે છે.

ફ્યુચર ટેક્નોલોજી, પરંતુ હજી માર્કેટમાં નથી

આ મશીનનું પ્રેઝન્ટેશન અનેકવાર એક્સિબિશનમાં થયું છે, પરંતુ હજી તેને વ્યાપારી રીતે વેચાણ માટે ઉપલબ્ધ કરવામાં આવ્યું નથી. હ્યુમન વોશિંગ મશીન પર અંતિમ તબક્કાનું રિસર્ચ અને ફીડબેક ટેસ્ટિંગ ચાલી રહ્યું છે. કંપનીઓનો હેતુ છે કે તે સંપૂર્ણ સુરક્ષિત, હાઈજીનિક અને સામાન્ય લોકો માટે સસ્તું બને.

ટીચર, હોસ્પિટલો અને વૃદ્ધાશ્રમો જેવી સંસ્થાઓ માટે આ મશીન અત્યંત ઉપયોગી સાબિત થઈ શકે છે, ખાસ કરીને ત્યાં જ્યાં કર્મચારીઓ પર ભાર વધારે હોય અથવા દર્દીઓને સ્વચાલિત રીતે સ્નાન કરાવવાનું સરળ બને.

શા માટે છે આવી શોધની જરૂર?

જિંદગી ઝડપથી બદલાઈ રહી છે. લોકોના સમયનું મહત્ત્વ વધી રહ્યું છે. સ્નાન જેવી દૈનિક પ્રક્રિયાને વધુ સરળ, ઝડપી અને આધુનિક બનાવવાની ઈચ્છા ટેક્નોલોજી ડેવલપર્સને નવી રાહ બતાવે છે. જાપાન પહેલેથી જ રોબોટિક્સ અને ઓટોમેશનમાં આગળ છે— આ મશીન પણ એ જ દિશામાં એક મોટું પગલું છે.

આવે 10–15 વર્ષમાં આપણે ઘરમાં કપડાં વોશિંગ મશીનની બાજુમાં હ્યુમન વોશિંગ મશીન પણ જોઈ શકીએ એવું લાગે છે. ટેક્નોલોજી જીવનને કેવા નવા રૂપમાં બદલી શકે છે તે જાપાન વારંવાર સાબિત કરી રહ્યું છે. આ મશીન માનવ સુવિધાનો એક નવીન માઇલસ્ટોન બની શકે છે.