નવી દિલ્હી,

આત્મકથાના અનાવરણ પહેલા સોશિયલ મીડિયા પર વીડિયો શેર કરીને યાદો તાજી કરી 

કોંગ્રેસના દિગ્ગજ નેતા સોનિયા ગાંધીએ તેમની આગામી આત્મકથા ‘બિલોંગિંગ: અ જર્ની ઓફ લવ’ના સંદર્ભમાં એક વીડિયો સોશિયલ મીડિયા પર શેર કર્યો છે, જેના કારણે રાજકીય અને સાહિત્યિક વર્તુળોમાં ભારે ચર્ચા જાગી છે. આ વીડિયોમાં તેમણે તેમના અંગત જીવન અને ભૂતકાળની યાદોને તાજી કરી છે.

સોનિયા ગાંધીની આ આત્મકથામાં વર્ષ ૧૯૬૫ની યાદોનો ઉલ્લેખ કરવામાં આવ્યો છે, જ્યારે તેઓ ઇંગ્લેન્ડના કેમ્બ્રિજ ખાતે અભ્યાસ કરી રહ્યા હતા. આ દરમિયાન કેમ્બ્રિજની એક ગ્રીક રેસ્ટોરાંમાં તેમની મુલાકાત રાજીવ ગાંધી સાથે થઈ હતી, જ્યાંથી તેમની પ્રેમકથાની શરૂઆત થઈ હતી. પ્રખ્યાત પ્રકાશન સંસ્થા ‘હાર્પરકોલિન્સ ઇન્ડિયા’  દ્વારા આ પુસ્તક આગામી ૧૦ નવેમ્બરે સત્તાવાર રીતે રિલીઝ કરવામાં આવશે, જેમાં ઇટાલીથી લઈને ભારત સુધીની તેમની સફર અને જીવનના મહત્વના સંસ્મરણો જોવા મળશે.