નવી દિલ્હી,

સર્વોચ્ચ અદાલતે સ્પષ્ટ શબ્દોમાં આદેશ આપ્યો છે કે જો કોઈ વ્યક્તિ હિન્દુ ધર્મ છોડીને અન્ય ધર્મમાં રૂપાંતરિત થાય છે, તો તેને અનામતનો લાભ મળશે નહીં. તમિલનાડુ સરકાર દ્વારા દાખલ કરવામાં આવેલી અરજી પર સંજ્ઞાન લેતાં સુપ્રીમ કોર્ટે આ મહત્વપૂર્ણ સ્પષ્ટતા કરી છે. કેસની સુનાવણી દરમિયાન અદાલતે નિર્દેશ આપ્યો હતો કે હિન્દુ સામાજિક વ્યવસ્થા હેઠળ પછાત વર્ગ અથવા અનુસૂચિત જાતિ ધરાવતી વ્યક્તિ જો હિન્દુ ધર્મમાંથી ઇસ્લામ કે અન્ય ધર્મ સ્વીકારે છે, તો તે અનામત મેળવવાની પાત્રતા ગુમાવી દે છે.

ધર્મ પરિવર્તન બાદ તે વર્ગના મૂળ સામાજિક અને ધાર્મિક આધાર બદલાઈ જતાં અનામતના બંધારણીય લાભો ચાલુ રાખી શકાય નહીં. તમિલનાડુ રાજ્યમાંથી ઉપસ્થિત થયેલા આ કાનૂની વિવાદ પર દેશની સર્વોચ્ચ અદાલતે આપેલો આ ચુકાદો ભવિષ્યના તમામ ધર્માંતરણ અને અનામત સંબંધિત કાનૂની બાબતો માટે એક અત્યંત મહત્વપૂર્ણ ઉદાહરણ સાબિત થશે.