રાજકોટ ,

બિહારમાં રેલવે દ્વારા હાથ ધરવામાં આવેલી નોન-ઇન્ટરલોકિંગ કામગીરીના પરિણામે પશ્ચિમ રેલવેના રાજકોટ ડિવિઝનમાંથી પસાર થતી અને સંચાલિત થતી મહત્વપૂર્ણ ટ્રેનોના માર્ગમાં ફેરફાર કરવામાં આવ્યો છે. મુસાફરોની સગવડ અને સુરક્ષાને ધ્યાનમાં રાખીને રેલવે તંત્ર દ્વારા આ પગલું ભરવામાં આવ્યું છે.

પૂર્વ મધ્ય રેલવે હેઠળના સોનપુર મંડળના બરોની અને કટિયા મંડળના વિવિધ રેલવે સ્ટેશનો તેમજ બિહારના અન્ય સેક્શનોમાં રેલવે ઇન્ફ્રાસ્ટ્રક્ચર મજબૂત બનાવવા અને ટ્રેન વ્યવહારને વધુ સુરક્ષિત તથા વ્યાપક બનાવવા માટે નોન-ઇન્ટરલોકિંગ કામગીરી ચાલી રહી છે. આ ટેક્નિકલ કામગીરી અને સુરક્ષાના ધોરણોને ધ્યાનમાં રાખીને રેલવે પ્રશાસન દ્વારા ડિવિઝનમાંથી દોડતી નિયમિત ટ્રેનોના રૂટમાં ફેરફાર (ડાયવર્ઝન) કરવાનો આવશ્યક નિર્ણય લેવાયો છે.

રેલવે સૂત્રોના જણાવ્યા અનુસાર, આ ડાયવર્ઝનને કારણે મુસાફરોએ પોતાની મુસાફરીનું આયોજન કરતાં પહેલાં સંબંધિત ટ્રેનોના સમય અને ડાયવર્ટ થયેલા રૂટ અંગેની પૂરેપૂરી માહિતી મેળવી લેવી હિતાવહ છે. ટ્રેન વ્યવહારને સુચારૂ રાખવા અને મુસાફરોને અગવડ ન પડે તે માટે રેલવે સ્ટેશનો પર પૂરતી સૂચનાઓ જારી કરવામાં આવી છે. મુસાફરો રેલવેની અધિકૃત વેબસાઇટ અથવા હેલ્પલાઇન નંબર દ્વારા પણ આ અંગેની અપડેટ માહિતી મેળવી શકે છે.