રાજકોટ,

૧૯૧ અરજીઓની સ્ક્રુટીની પ્રક્રિયા શરૂ, ૫૦૦ ચો.મીથી નાની જગ્યાઓને NOCમાંથી મોટી રાહત

રાજકોટ મહાનગરપાલિકાના ફાયર બ્રિગેડ વિભાગ સમક્ષ ફટાકડાના વેચાણ અર્થે હંગામી ફાયર NOC (અનાપત્તિ પ્રમાણપત્ર) મેળવવા માટે કુલ ૨૦૫ અરજીઓ મળી હતી. ચુસ્ત ચકાસણી અને સ્થળ તપાસના અંતે તંત્ર દ્વારા હાલ સુધીમાં માત્ર ૧૫ અરજીઓને જ મંજૂરી આપીને NOC ઇશ્યુ કરવામાં આવ્યા છે.

હજુ પણ બાકી રહેલી ૧૯૧ જેટલી અરજીઓની સઘન ચકાસણી અને સ્ક્રેનિંગ પ્રક્રિયા પુરજોશમાં ચાલી રહી છે. નિયમોનુસાર સ્થળ પર ફાયર એક્સટિંગ્યુશર (અગ્નિશામક સાધનો), ઈમરજન્સી એક્ઝિટ અને પાણીની સુવિધા સહિતના સુરક્ષા માપદંડો પૂર્ણ કરનાર સ્ટોલ ધારકોને જ સત્તાવાર NOC આપવામાં આવશે. બીજી તરફ, નાના વેપારીઓને મોટી રાહત આપતા તંત્ર દ્વારા ૫૦૦ ચોરસ મીટર (અંદાજે ૫૩૮૦ ચોરસ ફૂટ) સુધીનું ક્ષેત્રફળ ધરાવતી જગ્યા કે સ્ટોલ માટે ફરજિયાત ફાયર NOCમાંથી મુક્તિ આપવામાં આવી છે.