વિશાખાપટ્ટનમ,

50 ટ્રેનો રદ, અનેક ફ્લાઇટ્સ કેન્સલ અને શાળાઓમાં બે દિવસની રજા જાહેર

આંધ્રપ્રદેશ અને ઓડિશા રાજ્યમાં સંભવિત વિનાશને રોકવા માટે અંદાજે 4,000 જેટલા સાયક્લોન શેલ્ટર્સ (આશ્રય સ્થાનો) બનાવવામાં આવ્યા છે. વાવાઝોડાના આગમન પહેલા જ દરિયાકાંઠાના સંવેદનશીલ વિસ્તારોમાંથી લાખો નાગરિકોને સુરક્ષિત સ્થળોએ ખસેડવાની કામગીરી પૂર્ણ કરવામાં આવી છે.
આ વાવાઝોડું વિશાખાપટ્ટનમ અને કાકીનાડાના દરિયાકાંઠે ત્રાટક્યું છે. વ્યાપક સલામતીના ભાગરૂપે ભારતીય રેલવે દ્વારા આ રૂટની 50 થી વધુ ટ્રેનો રદ કરી દેવામાં આવી છે, જ્યારે વિજયવાડાને ચેન્નાઈ તથા બેંગાલુરુ સાથે જોડતી ઇન્ડિગોની વિમાની સેવાઓ પણ સ્થગિત કરવામાં આવી છે. આ ઉપરાંત, ઓડિશાના 8 જેટલા પ્રભાવિત જિલ્લાઓમાં વિદ્યાર્થીઓની સુરક્ષા માટે શાળાઓમાં બે દિવસની રજા જાહેર કરવામાં આવી છે.