નવી દિલ્હી,

દિવાળી પૂર્વે કેન્દ્રની ભેટ: DA" 60% થી વધીને સીધું 63% પર પહોંચ્યું

તહેવારોની મોસમ વચ્ચે કેન્દ્ર સરકારે મોંઘવારી ભથ્થામાં (DA) 3 ટકાનો વધારો મંજૂર કર્યો છે, જેના કારણે હવે કર્મચારીઓનું કુલ મોંઘવારી ભથ્થું 60 ટકાથી વધીને 63 ટકા થઈ ગયું છે. આ નવા અને વધેલા દરોની સીધી અસર દેશના આશરે 48 લાખ કેન્દ્રીય કર્મચારીઓ અને 68 લાખથી વધુ પેન્શનધારકોને મળશે.
આ વધારાને કારણે કેન્દ્ર સરકારની તિજોરી પર વાર્ષિક અંદાજે રૂપિયા 10,016 કરોડનો વધારાનો નાણાકીય બોજ પડશે. મોંઘવારી ભથ્થામાં કરવામાં આવેલો આ વધારો 1 જુલાઈથી અમલી ગણવામાં આવશે, જેથી કર્મચારીઓને જુલાઈથી લઈને ઓક્ટોબર સુધીના ચાર મહિનાનું સંયુક્ત એરિયર (બાકી નીકળતી રકમ) આગામી ઓક્ટોબર મહિનાના પગાર સાથે ચૂકવવામાં આવશે.