અમદાવાદ,

ફ્યુઅલ સરચાર્જ વધતા વીજળી મોંઘી બની

રાજ્યની સરકારી વીજ કંપનીઓ દ્વારા વીજ દરમાં યુનિટ દીઠ ૪૫ પૈસા સુધીનો વધારો કરવામાં આવ્યો છે. FPPAS (ઈંધણ સરચાર્જ)માં ૩.૯૯ ટકાનો વધારો ઝીંકવામાં આવ્યો છે, જેની સીધી અસર રાજ્યભરના તમામ વીજ ગ્રાહકો પર પડશે. ગુજરાતમાં ઘર વપરાશ, ઓફિસ તેમજ દુકાનો ધરાવતા વીજ ગ્રાહકોએ હવેથી વધેલા દર મુજબ વીજ બિલ ચૂકવવું પડશે, જેના કારણે યુનિટ દીઠ ૩૦ થી ૪૫ પૈસા સુધીનો વધારાનો આર્થિક ભાર વહન કરવો પડશે. આ વધારો આગામી બિલિંગ સાયકલથી લાગુ થશે. તહેવારોની ખુશીઓ વચ્ચે વીજળીના દરોમાં થયેલા આ વધારાને કારણે સામાન્ય નાગરિકોમાં ચિંતાની લાગણી ફેલાઈ છે અને આગામી દિવસોમાં આવનારા વીજ બિલ માસિક બજેટને અસર કરશે.