લખનૌ,

ઉત્તર પ્રદેશ સરકાર દ્વારા ૧૪.૬૧ કરોડથી વધુ લાભાર્થીઓને આવરી લેવાની તૈયારી

ઉત્તર પ્રદેશ સરકાર દ્વારા રાજ્યના તમામ રેશનકાર્ડ ધારકોને પ્રધાનમંત્રી આયુષ્માન ભારત યોજના સાથે જોડવાના એક મહત્વપૂર્ણ પ્રસ્તાવને સૈદ્ધાંતિક મંજૂરી આપવામાં આવી છે. આ નવી વ્યવસ્થા અમલમાં આવ્યા બાદ રાજ્યના આશરે ૩.૬૩ કરોડ રેશનકાર્ડ સાથે સંકળાયેલા ૧૪.૬૧ કરોડ જેટલા લાભાર્થીઓને મોટો ફાયદો થશે.

હવેથી આ તમામ પાત્ર પરિવારોને માત્ર સરકારી જ નહીં પરંતુ સૂચિબદ્ધ ખાનગી હોસ્પિટલોમાં પણ વાર્ષિક ₹૫ લાખ સુધીની મફત અને કેશલેસ સારવારની સુવિધા મળી શકશે. અગાઉ ઓછી યુનિટ કે મર્યાદિત સભ્યો ધરાવતા કેટલાક પરિવારો આ યોજનાના લાભથી વંચિત રહી જતા હતા, પરંતુ આ નવા નિયમના વિસ્તારથી તમામ જરૂરિયાતમંદ પરિવારોને સીધી સ્વાસ્થ્ય સુરક્ષા મળી રહેશે. આ યોજના પાછળ થનાર વાર્ષિક ખર્ચને પહોંચી વળવા માટે આગામી વિધાનસભા સત્રમાં બજેટની જોગવાઈ કરવામાં આવશે તેવી સંભાવના છે.