નવી દિલ્હી,

સાયબર ફ્રોડના વધતા બનાવો વચ્ચે ગ્રાહક સુરક્ષાને લઈને કોર્ટનો મોટો ચુકાદો

અદાલતના એક કડક આદેશ અનુસાર, જો કોઈપણ બેંક ખાતામાંથી સાયબર ફ્રોડ કે અજાણ્યા વ્યવહાર દ્વારા નાણાં ઉપડી જાય અને તે અંગે સમયસર ગ્રાહકને એલર્ટ કે મેસેજ મોકલવામાં બેંક નિષ્ફળ જાય, તો તે બેંકે ગ્રાહકને ગુમાવેલી રકમ વ્યાજ સહિત પરત ચૂકવવી પડશે.

આ આદેશ બેંકિંગ સેક્ટરની સેવાઓમાં થતી બેદરકારી અને ગ્રાહકોની સુરક્ષા માટે એક કડક ચેતવણી સમાન છે. અગાઉ અનેક કિસ્સાઓમાં ખાતામાંથી રકમ ઉપડી ગયા પછી પણ ગ્રાહકોને સમયસર જાણ ન થવાને કારણે તેઓ તાત્કાલિક પગલાં લઈ શકતા નહોતા, પરંતુ હવે આ નવા અને કડક વલણને કારણે બેંકોએ પણ પોતાના સુરક્ષા અને નોટિફિકેશન સિસ્ટમને વધુ સઘન અને પારદર્શક બનાવવી પડશે. આ નિર્ણયથી નિર્દોષ ગ્રાહકોને મોટી રાહત મળશે અને બેંકો પોતાની જવાબદારીમાંથી છટકી શકશે નહીં.