રાજકોટ,

ટેક્સ ભરપાઈ કરનારા નગરજનો ₹૧૦,૦૦૦ સુધીની વ્યાજમાફીનો લાભ મેળવી શકશે 

મિલકત વેરો અને પાણીવેરાના બાકી બિલ ધરાવતા નાગરિકોને મોટી રાહત આપવાના હેતુસર રાજકોટ  મનપા દ્વારા વ્યાજમાફી યોજનાની મુદતમાં વધુ એક મહિનાનો વધારો કરવામાં આવ્યો છે. હવે આ વિશેષ યોજના હેઠળ રાજકોટના નાગરિકો આગામી ઓક્ટોબર મહિનાના અંત સુધી ₹૧૦,૦૦૦ સુધીની વ્યાજમાફીનો વિશેષ લાભ મેળવી શકશે.

વહીવટી તંત્ર દ્વારા લેવાયેલા આ નિર્ણયથી અગાઉ સમયસર ટેક્સ ન ભરી શક્યા હોય તેવા આસામીઓ અને મિલકતધારકોને મોટી આર્થિક રાહત મળશે. મનપાના સત્તાવાર સૂત્રોના જણાવ્યા અનુસાર, આ યોજના થકી નાગરિકો પોતાના લાંબા સમયથી અટવાયેલા બાકી વેરા સરળતાથી ભરી શકશે અને વ્યાજમાંથી મુક્તિ મેળવી શકશે.