નવી દિલ્હી,

PTI બિલ્ડિંગ પાસે 50 જેટલા ઉપદ્રવીઓએ ધમાલ મચાવી; તમામની ધરપકડ 

સીજેપી દ્વારા આયોજિત પ્રદર્શન દરમિયાન કનોટ પ્લેસ સ્થિત પીટીઆઈ  બિલ્ડિંગ નજીક અચાનક વિરોધ પ્રદર્શન કરી રહેલા આશરે 50 જેટલા લોકોના ટોળાએ ત્યાં તૈનાત પોલીસ કાફલાને નિશાન બનાવીને અચાનક જ ભારે પથ્થરમારો શરૂ કરી દીધો હતો.

આ અચાનક થયેલા હુમલા અને પથ્થરમારામાં ઘટનાસ્થળે ફરજ પર હાજર બે પોલીસકર્મીઓ ગંભીર રીતે ઈજાગ્રસ્ત થયા છે. ઘટના બની કે તરત જ દિલ્હી પોલીસે પરિસ્થિતિ પર કાબૂ મેળવવા માટે ત્વરિત અને સખત કાર્યવાહી હાથ ધરી હતી. પોલીસે વિસ્તારને ઘેરી લઈને પથ્થરમારો કરનારા તમામ 50 પ્રદર્શનકારીઓને સ્થળ પરથી જ અટકાયતમાં લઈ કસ્ટડીમાં ધકેલી દીધા છે.

આ હિંસક ઘટના બાદ સમગ્ર વિસ્તારમાં ભારે ચકચાર મચી ગઈ છે અને પોલીસ બંદોબસ્ત મજબૂત કરી દેવામાં આવ્યો છે. જોકે, આ સમગ્ર પથ્થરમારાની ઘટના અને સુરક્ષા પરિસ્થિતિ અંગે દિલ્હી પોલીસ દ્વારા હજુ સુધી કોઈ સત્તાવાર નિવેદન જાહેર કરવામાં આવ્યું નથી.