નવી દિલ્હી,

ચાઇલ્ડ મોડ માટે સંકેત આપતા સોશિયલ મીડિયા કંપનીઓમાં ફફડાટ

સર્વોચ્ચ અદાલતે સ્પષ્ટ શબ્દોમાં જણાવ્યું છે કે, ઇન્ટરનેટ સુધીની પહોંચ અને તેનો ઉપયોગ કરવો એ દેશના પ્રત્યેક નાગરિકની સાથે-સાથે બાળકો માટે પણ એક બંધારણીય ‘મૂળભૂત અધિકાર’ છે.

આ ઐતિહાસિક જાહેરાત બાદ દેશના ટેકનોલોજી અને ડિજિટલ જગતમાં ખાસ કરીને સોશિયલ મીડિયા કંપનીઓમાં ભારે ધમાસાણ અને ખળભળાટ મચી ગયો છે. નિષ્ણાતોના મતે, આ કડક અને સ્પષ્ટ નિર્દેશોથી ફેસબુક, ઇન્સ્ટાગ્રામ, એક્સ (ટ્વિટર) અને યુટ્યુબ જેવી દિગ્ગજ સોશિયલ મીડિયા કંપનીઓની જવાબદારીઓમાં મોટો વધારો થયો છે. બાળ ઉપયોગકર્તાઓની ઓનલાઈન સુરક્ષા, પ્રાઈવસી અને ડેટા નિયંત્રણ માટે આ કંપનીઓએ હવે વધુ સખત ધોરણો અપનાવવા પડશે, જેના કારણે આગામી સમયમાં ડિજિટલ નીતિઓ અને નિયમોમાં મોટા ફેરફારો જોવા મળી શકે છે.